PANTUN BERSAHUT LEWAT SMS ANTARA CUCUNG-
CUCUNG SENARIP NGA RENI
Bulan : November 2007
1. Bahuri Cikman atau Bapang Dandus (BD)
2. Lanwi Yadip atau Bapang Nanis (BN)
3. Marvin Yadip atau Bapang Citra (BC)
I. PEMBUKAK HUAS BULUH (dari Lanwi Yadip )
Anak huse melompat-lompat
Makan ambangan kawe kandik mulan
Bethika dikit untung saje dik putus
Dik tehase terbitan lah sampai bagian ke empat
Itu retinye pantun bersahut berikutnye tetap hadir terus
Insya Allah bulan-bulan berikutnye tetap hadir terus
Ambinan tinggi isakdi pekulean lah diterime
Batan bunting lah sampai pule
Rasan nga aguk sedekah dik urung agi,itulah retinye
Terbitan kali ini lebih istimewa dari sebelumnye
Ye lah udim gi antare bapang Dangdus nga bapang nanis saje
Sedangkah ye maini lah nambah bapang Citra pule
II. ISI HUAS BULUH
A. ANTARA BAPANG DANGDUS (BD) DAN BAPANG NANIS (BN)
01.11.07
BD : Pagi ni ke dusun Rembang
Singgah senampur ke huma pak Gatam
Sahi ni lemak nian di Plembang lah pacak ngetam
Amu di Linggau gi lame benae nynggu akhi senin tanggal lime
BN : Bukit Payung badah berayak
Ngambik nilau nga wi semihit
Amu segale tahuk banyak tulah
Memang di Palembang padi lah masak
Di Linggau tepakse nunggu dikit
Anye jeruk lah masak gale dan lah bejual tula
BD : Amu ading lah senyum-senyum
keberangkatlah ngetam
keberangkatlah ngetam
Kakang masih ngenaul di huma
nunggu pulut dik begetah
nunggu pulut dik begetah
Tuape mpik jeruk lah masak anak
cucung makane dik segah
cucung makane dik segah
Karne di malingi li jeme tula
BN : Mancing betuk hule tempale
Njale Dekat masak bekuah
Mpuk kelengitan jeruk pacak bepahale
Amu iktikat diubah kandik sedekah
02.11.07
BN : Di Tebat Pesuk dang dibangun sekolah
Murid-muridnye pakian seragam gale
Kebun jeruk kemalingan tulah
Ape dang lah nak masak dik dijage
BD : Kebun jeruk memang dik dijage
Dikandang kerung duahenye dikunci pule
Rencane nak diupahkah njagenye
Anye upahnye ndak mahal benae
Ndak duit, behas nga gule kopi pule
03.11.07
BN : Jadi mak ini masih ngenaul nunggu padi masak mehate akhi Senin Luse ?
BD : Au, amu kami di daerah terpencil ni dianak tihikah ndie li jeme bepagut
Besak panjang tu.
BN : Ha…ha…ha…
Anu kang…sebenarnye same saje gancang atau lambat ngetam tu. Ade
Lemak ade dimaknye gale. Lemaknye gancang ngetam, anye dimaknye
Gancang pule abisnye. Jadi semegi saje.
BD : Kukire kucikan bapang Nanis tu la merik mentus mbau minyak pindir.
Besok pagi kah makan ayam mati dimane? Amu kakang kah
Ngengedupis parak humah nilah. Ade jeme sedekah ngawinkah anak
BN : Sebenarnye ade behape undangan
Anye nak diseleksi ketat kudai
Sebab bulan November ni banyak benae jeme sedekah
Terutame jeme nak berangkat haji dan lai-lain.
Titu ke ngalihkah pindir giade nye temalam di kucikan
Anye la hade gale catunye.
05.11.07
BN : Ngape penginaan ading pagian ni kakang luk sihat benae
Besemangat, gagah benae.gembira benae,dan senyum-senyum tulah ?
BD : Ngambik bemban due laki bini
Nyebrang Selangis Ke Lubuk Sele
Dide lemak nian ngetam pagi ni
Batang lah hebat tangkainye lah buhuk pule
BN : Ngambik bemban due laki bini
Nyebrang Selangis sambil mentas
Ngetam padi hebah tangkainye buhuk pule
Itu tande padi subur buahnye behenas
(Nyimpang ngomong surat adding tgl 22 Oktober ade dide kakang terime?)
BD : Ade, pokoknye rencane ading kakang mendukung.
08.11.07
08.11.07
BD : Amu nak pegi ke ayik kerali
Sekalian jangan dide mandi
Makmane sikap menantu kite?
Ape cemberut ape manis muke
BN : Mandi ke Lubuk Cik Alam nak beranak
Dik kidau kanan banyak batu
Di iliernye pancuw Kujat masih gi ade
Memang amu dalamnye nian belum tekinak
Anye amu cemberut atau maini selalu manis muke
12.11.07
BD : Cuhup Manau dusun lame lah tinggal pule
Datae Gerinde lah ngulang rami agi
Sahini mpai tanggal due belas terhitung masih mude
Anye kucikan kakang lah ngulang mbau tanju agi
BN : Sawah dangkal dusun Pendulu
Suban Tinggi di sebelah ulu
Kalu kucikan kakang lah maitu
Same nga sms bapang Citra bebehape ahi ye lalu
BD : Kate bapang Citra amu kucikan lah mbau tanju
Disemprot nga minyak hum
Kakang balas sms nye tu minyak hum tu dik bedie jualannye
Minyak hum tu mangke ade nak nunggu tanggal 4 nian
15.11.07
BD : Mekam lame pelewatan ke Guru Agung
Ngambik sarau nak muncung dehian Suban Tinggi
Buku kihiman lame ditanggung
Mpai sampai petang kemahi
BN : Di Ahip banyak burung muhai
Di Panalubang banyak burung berebah
Kalu kihiman lah sampai
Ading ucapkan syukur alhamdulilah
BD : Isak di Semidang ke Tinggi Hari
Lekung Selasih pelawatan ke Simpow
Nenaik mateahi ni memang benae kate kakang
Cengki banyak umban dehian nenek di Lenggugou
BN : Amu nak pegi ke Panulubang
Ambik ndik berangke pisau kayu serian
Nenaik mentaehi ni memang benae kate kakang
Anye ape memang maini musim dehian
BD : Di Panulubang nenek bekebun guying
Disamping galak pule beburu huse
Lum lame ige ziarah di Gumay
Tehase maini lah ngulang hindu pule
16.11.07
BD : Sahi ni ahi jumat
Esok pagi adi sabtu
Pagian ni sarapan pisang goring angat
Esok pagi belum tentu
BN : Dusun Lame ngulang rami
Diantarenye Lubuk Sele nga Talang Rindu Ati
Amu ading dik kekelah sarapan pagi
Karne begulai dik begulai makan nasi
BD : Di Talang Paningan nenek beume
Udim tu pindah ke Lekung selasih
Gumay Ulu ketambah rami saje
Maini lah kecamatan dan ade SMP pule
BN : Di tiap dusun la ade sekolah
Budak-budak tinggal milih dimane saje
Asak badahnye masih di Gumay Ulu
Amu tubuh masih ke luk ini lah
Cuma cuping lemak nengaenye
Tanah leluhur ketambah maju
BD : Rakyat Gumay Ulu deharusnye terime kasih ke pemerintah maini ahii
Pembangunan lah lebih mehate agi
Mintak-mintak kele Safar njadi bupati
Antaku Jeme Gumay Ulu kah lebih diperhatikan agi
BN : Aku dang dihumah Wanan (anak mang Marzuki)
Nak ngawinkah anak.
B. ANTARA BAPANG NANIS (BN) DAN BAPANG CITRA (BC)
08.11.07
BC. Kihiman jilid II dan III buku bernilai sastra buah karya sastrawan
ulung dari tanah Gumay la diterime dengan baik siang tadi.
BN : Pance di ume atap gelumpai
Dasaenye butuh dibelah-belah
Kalu kihiman lah sampai
Kakang ucapkan syukur Alhamdullilah
09.11.07
BC : Pegi ke pehangai mbeli cerutu
Kandik dagang di kota Mekkah
Tanggal 9 ading lah tehase buntu
Tuape isak minggu belakang sampai minggu ini alakah banyak jeme
Sedekah
BN : Mpuk bedagang ke kota Mekkah
Ke Pehangai ambik cerutu
Timbang kudai jangan kelewat behat
Mpuk banyak jeme sedekah
Kandik hindari gancang buntu
Tiap undangan seleksi kudai dengan ketat
BC : Mbeli cerutu ke Pehangai
Kandik dagangan di kota Mekkah
Tuape amu lah buntu tinggal nguap ngelangai
Cuma mpuk makmane kina ka ditahankah
BN : Ke me ngambik besile
Keu tan ngambik duku
Kalu luk itu bunyinye
Tinggal lagi ucap timbang dulu
Kalu kundu ilok masuk ke mulut kite biaye nga nage
Anye pacak pule adding masuk mulut buaye nga nage amu kalah
Bekundu
10.11.07
BC : Bejalan suhang ke Padang Selase
Terdengar burung muhai bersiul merdu
Aku nga ayuk lah tehase hindu
Makmane kalu pantu ini ayuk saje ye balasnye ?
BN : Tedengae merdu burung muhai
Memang banyak di Padang Selase
Karne hp kakang nak cas kudai
Ayuk ke balasnye nga hp die saje
Ndung Nanis :
Burung muhai besiul merdu
Bayak dijual di pasar Lemabang
Amu bukan baso-basi nga ayuk tehase hindu
Cengki amu ngulang ke Yogya singgah ke Plembang
12.11.07
BC : Ayam bekokok tedengae ampir subuh
Mateahi di ufuk timur mulai terbit
Makan siang tadi tige kali bubuh
Li gulai tehung hehancang undak ikan sepit
BN : Njehat tugang ngene kelambit
Belum sempat ditanjuk nak tebang agi
Akhinye dimakan li kucing kuhus tue
Memang lemak tehung kehancang ikan sepit
Anye piring nga irusnye kecik ndie
BD : Jalan-jalan ke kota Kudus
Singgah di toko beli baju
Alah kejangkap sms bapang Dangdus
Katenye mpai tanggal 12 kucikan lah mbau tanju
BC : Itu lah dismskanye nga kakang pagian tadi
BC : Ke lubuk Sele Semae ncakar mampat
Singgah kudai di kebunmangke laju
Kite sesame jauh masih pacak sehepat
Asak pantun melalui sms ini kite setuju
16.11.07
BC : Bulan diarap aku ke ngulang ke Yogya
Balek agi amu ujian semester lah abis
Tadi tu nyikapkah tudung di pucuk meja
Rupenye ade serawe perenggi
Sate dimakan mane gemuk mane manis
BN : Aku dang dirumah Wanan (anak mang Marzuki) nak ngawinkah anak
17.11.07
BC : Masih hehabai ke Talang Mayan muncung dehian
Alangkah anjame bakbelubuk umbanye pule buahku ini
Amu boleh ading betanye mangke keruan nian
Ke kemane saje pehinggutan kakang sahi ni
BN : Kakang nunggu Hamid nak ke SMKK pesta cucung mang Amar ye kawin
Kemahi.
BC : Njale ke Selangis tuhun di Ujan Panas
Baliknye di Hantau Pandak badah ndahat
Suasana politik di Linggau lah tambah Panas
Li ndak ngalahkah kandidat wako putra daerah Lahat
BN : Njale ke Selangis ke Lubuk Akean
Di Lubuk Bedegung badah ndahatnye
Wajar tiap kandidat nak saling kalahkan
Di mane saje tentu nak mengalahkan putra asli daerahnye
BC : Kalu nak njale ke Ujan Panas
Cuma ade syarat harus pacak berenang
Amu ngandalkah Ridwan jelas dek kemenang
Ye paling nentukah putra daerah pasangannya
23.11.07
BN : Banyak hanting dililit akae
Akae tu mbeli hanting duku
Apekah ading lah nengae
Bapang Fahmi ke pegi haji
BC : Memang banyak hanting dililit akae
Akae tu mbelit hanting duku
Kabar bapang Fahmi ka pegi haji la lame tedengae
Tapi baling kemahi ade pule die nelpon aku
BN : Akae melinting duku
Duku bebuah mpai beputik
Mungkin maksud nelpon tu
Nak ngundang malam di sedekah kecik
27.11.07
BC : Kedatae Belidang ngambik duku
Sate dinaiki tegusur batangnye basah
Bapang Dangdus lah jarang mbalas pantun aku
Ape li semang atau dik bepulsa
BN : Biase tegesur naik duku
Apalagi batangye dang basah
Sms nye tanggal 12 kucikan lah mbau tanju
Pacak saje li dik bepulsa
(Mpuk nga aku lah lame pule dide, terakhir kina’I di fax tadi)
30.11.07
BC : Lekung Selasih badah Talang Sumber Jaya
Maini lah tinggal njadi belukae
Jeme Siring Agung banyak heging nga mang Yahya
Li mang Yahya ndukung cawako jeme lain benae
BN : Sumber Jaya lame Lekung Selasih
Maini tinggal name saje
Kemane milih dide nak dijadikah masalah
Sebab itu hak asasi manusie
(Kecuali calon wako jeme gumay nian)
C. ANTARE BAPANG CITRA (BC) NGA BAPANG DANGDUS (BD)
12.11.07
BD : Cukup manau dusun lame lah tinggal pule
Anye datae Gerinde la ngulang rami agi
Sahi ni mpai tanggal 12 teritung masih mude
Anye kucikan kakang lah ngulang mbau tanju agi
BC : Njait celane bahan belancu
Pegi ke warung mbeli jahum
Amu kucikan kakang lah mbau tanju
Cuka semprot saje nga minyak hum
BD : Midang-midang ampir kesasar
Laju hehadu di bawah batang dehian
Minyak hum dik bedie jualannye di pasar
Mangke ade nak nunggu tanggal 4 nian
BC : Ke Lubuk Semae ncakae batang mampai
Singgah di Himbe Kebun mangke laju
Amu nak nunggu tanggal empat
Retinye gi lame benae kucikan kakang mbau tanju
14.11.07
BD : Ambik mbacang ambik pule kuini
Dimakan budak di ujung gahang
Di mane bapang Cit maini
Amu ndangui suhang kakang nak tandang
BC : Putik niu namenye mumbang
Bedabuk Umban ampir ninggang
Memang tiap ahi aku ndagui suhang
Dang ilok saje amu kakang nak tandang
15.11.07
BD : Di Panah Lubang nenek bekebun guying nga lumay
Di Matang Santing Jeme galak beburu huse
Lum lame ige ziarah di Gumay
Tehase maini lah ngulang hindu pule
BC : Nak lemak bekayu hebus cecalkah dim anis medu
Cuma amu dik bedie manis kabung jadilah
Kalu maini kakang ngulang tehase hindu
Ndahatlah kudai ke Gumay2-3 ahi jadilah
16.11.07
BC : Ke Paningan nebang seluai kandik papan
Singgah di Sebaguk ngambik umbut
Gelawah juge adding pagian ni sarapan
Ngopi nga makan juadah padi pulut
BD : Sahi ni ahi jumat
Esok pagi ahi sabtu
Pagian ni sarapan pisang goring angat
Ape memang lah temalam ndie di Taba Pingin
BD : Melelance ke Ketuan
Nak ngambik ulan jagung
Amu ading nak keruan
Kakang masih di Siring Agung
BD : Di Talang Paningan nenek beume
Udim itu pindah ke Lekung Selasih
Gumay Ulu lah tambah rami saje
Maini lah kecamatan da lah ade pule SMP
BC : Udim di Talang Paningan nenek pindah ke Lekung Selasih
Umenye libae banyak pule huleh padi
Kite nga pemerintah patut berterime kasih
Berkat pembangunan Gumay Ulu dik urung agi rami
BC : Bulan diarap aku ke ngulang ke Yogya
Balik agi amu ujian semester lah abis
Tadi tuh nyingkapkah tudung di pucuk meja
Rupenye ade serawe perenggi
Sate ading makan mane gemuk mane manis
BD : Tehingat nga kate-kate jeme bahi
Banyak ngandung filosofi
Amu betemu bga gemuk manis
Jangan benae diunduri
26.11.07
BC : Nanam padi di ume junan
Udim be ume betanam pule rambutan
Amu boleh ading keruan
Kemane kakang sahi ni bepehingutan
BD : Mekam lame badah ziarah
Ayik lim badah mandi
Pagian tadi ngahi walikota
Ngenjuk informasi nga ngemukekah isi ati
27.11.07
BC : Midang begarih ke Suke Cinte
Behiliean ndi suku Ratu naik rakit
Kalu kakang galak bebagi cerite
Tuape pehulian di wako banyak ape dikit
BD : Burung gagak burung rajawali
Burung puyuh endap sahangnye
Kemahi memang nemui pak wali
Silaturahmi dan salimg tukar informasi
29.11.07
BC : Sebitu ade bendungan lim namenye babakan
Di bawahhe banyak ikan cengkak gale
Amu nak mehendamkah kumis gulai ikan
Udimlah ngenaul gahi adding mpai balik jale
BD : Ke manak ke Padang Guci
Singgah senampur di Martandi
Amu gi ade ikan kemahi
Kakang nak numpang mehendamkah kumis pagian ni
BC : Mada’e jalan ke Simpow liut agi bekicak
Apelagi jalan nak ke Tanjung Raje
Amu kakang nak mehendamkah kumis gi pacak
Tuape gi banyak benae mpik kuahnye saje
III. TUKUP HUAS BULUH (dari Lanwi Yadip )
Puyang ndekah Gumay Ulu ye pertame
Isak di Lubuk Sepang Balai buntar name dikale
Mudik behukuan di ayik lim menurut cerite
Netap di muare lim besak nga kecik di Lubay Lame
Puyang Yal Bingkok itulah namenye
Di perjalanan hehadu di lubuk, sebab kerih lah tehase
Karne ade engkas telapak puyang di sane
Make disebutlah “Lubuk Tapak Puyang”namenye
Badah hehadu puyang mudik behuluan
Di ayik lim namenye lubuk tapak puyang
Anye gambar tapak belum pacak ditampilkan
Insya Allah masuk di terbitan ye ke akan datang
Palembang,30 November 2007
Tidak ada komentar:
Posting Komentar