PANTUN BERSAHUT LEWAT SMS ANTARA BAHURI CIK MAN
(BAPANG DANDUS) DAN LANWI YADIP (BAPANG NANIS)
Bulan : Oktober 2007
I . PEMBUKAK HUAS BULUH (Dari Lanwi Yadip)
Pisang due tandan abis dimakan
Engkasnye gi ade ye masak belakangan
Pantun sms lah due bulan diterbitkan
Engkasnye gi ade ye ketinggalan
Empuk pisang masak belakangan
Amu digoreng gi lemak makannye
Mpuk pantun gi ade ye ketinggalan
Nyerile pehasean amu mbacenye
II. ISI HUAS BULUH
Pantun September yang tercecer :
30.09.07
Bapang Dngdus (BD):
Budak sekolah bangun pagi
Nak ngikuti les nga kursus
Alangkah njakap tumbak ini
Pehut ase diluhur kuncing nga kehe kuhus
Bapang Nanis (BN) :
Budak sekolah nga kursus
Nak balik kehuma duit tinggal seratus
Tahankah mpuk ase diluhut kucing kehe kuhus
Jangan saje amu nyawe ka putus
BD : Mpuk nyawe ka putus
Masih kah ditahankah
Asak ka mati karne Allah
BN : Budak les nga kursus disekolahnye
Nye penting bahan ajar mudah diterime
Pehut ase diluhut, fisik ye mehasekannye
Ye penting ati atau batin menerimenye
BD : Ngambek behas padi beram
Ngambik pule melekut balutan daun
Mpuk jeme Lahat nga Tanjung Sanai mendam diam
Anye jeme kephayang galak pule besambut pantun
BN : Ye galak beram kenyang-kenyanglah
Ye nak melekut daun kecapilah
Ye masih mendam diam sabar sajelah
Ye lah galak besambut pantun Alhamdulillah
BD : Ke Palembang ke Kertapati
Melelance ke Kebun Bunge
Kalu kakang boleh betanye
Tuape lukak pembukean petang kele ?
BN : Melelance ke Kebun Bunge
Terus melaju ke Kertapati
Mu nak tau tuape kandik bebuke
Lemang luluk nga jalir perenggi
BD : Di Jawe Tengah ade Seragen
Di Palembang ade Bapang nanis nga Bapang Eeng
Amu nak pacak tuape pembukaan kakang due stakin
01.01.07
BD : Pancuw kujat di ayik liem
Ayik sebakul di Tanjung Raje
Kite same-same nyubuh lah udim
Pailah renungankah makne dan hikmah puase
BN : Kalu nak pegi ke ume
Ambik kampik di baling pintu
Amu nak tau hikmah nga makne puase
Bukak sms ading tanggal 15 nga 25 ye lalu
BN : Oi…Bapang Dangdus
Ikan kerali dik bepantak
Ngene pancing di lubuk dalam
Sahini padi lah masak
Ading ke mbatak bake nga tuai nak pegi ngetam
BD : Padi memang lah masak
Kance sangkup ume belum sehepat
Anak bunting belum pule bemasak
Katenye nak nuggu tanggal empat
BN : Kalu dilematang banyak batu
Diambik’I jeme Kebur nga Suku Ratu
Kalu di Plembang memang tanggal Satu
Kecuali ahi libur, Minggu nga Sabtu
BN : Alhamdulillah, pantun September lah udim digawika
Dan satu eksempar lah dikilat khususkah nga kakang pagian tadi.
Mudah-mudahan sahi due ni lah di tangan kakang.
BN : Makmane lah dide agi pehut ase diluhut kucing kehe kuhus ?
BD : Alhamdulilah mpai benae udim sholat magrib, peluh masih
Nyambou
BN : Warne netral warne putih
Dipakai murid waktu sekolah
Dimane badah kakang terawih
Ape dimasjid ape di Humah ?
BD : Kalu kepasar lewat simpang empat
Melelance ke simpang ke los tengah
Sepuluh malam pertame di langgar RT empat
Karne badan royoh mak ini tepakse di humah
BN : Kain putih banyak di pasar
Banyak dijual di berbagai tempat
Kalu lagi terawih di langgar
Menunaikan ye behape reka’at ?
BD : Mpuk dihuma, mpuk di masjid
Care Nabi, sebelas reka’.
02.10.07
BN : KHENUNGAN NUNGGU BEBUKE :
Bayak orang bijak sepanjang masa
Diantaranya ada yang berpendapat
Bahwa yang aneh di dunia ini tidak ada
Kaya miskin, senang susah,dipuji dimaki dll adalah hal biasa
Yang aneh itu katanya selanjutnya
Adalah jika tidak dapat mengambil pelajaran dari kejadian yang ada
Itulah gambaran kenyataan rakyat dan pemimpin kita.
BD : Tanah air kita gemah ripah loh jinawi
Tapi rakyatnya sangat memperhatinkan
Karena pengelola Negara nak bekuase sampai mati
Dan nak ncakae rete ndik tujuh keturunan
BN : Memang rakyat sangat memperhatinkan
Walau gemah ripah loh jinawi
Sebetulnya ada usaha perubahan
Tapi gagal karena pelakunya bukan reformis sejati
BD : Bejalan ke dusun Rembang
Mbatak mulan ijat mijan
Tuape kabar Di Palembang
Amu di Linggau ampir sebulan dik ujan
BN : Bejalan ke dusun Sirah Pulau
Mbatak mulan ijat mijan
Kabar di Palembang same nga di linggau
Ampir sebulan dik pule ujan
BD : Puase bulan Ramadhan ade tige tingkatan
Pertame pause syariat
Kedue puase hakikat
Ketige pause ma’rifat
Ketige puase itu kandik ningkatkah nilai ketaqwaan
BN : Dengan kata lain :
Puase orang awam,pause orang khusus dan pause orang lebih khusus
Yang awam Cuma menahan perut dan kemaluan.
Yang khusus ditambah menahan anggota-anggota badan lainya.
Sedangkan yang lebih khusus ditambah lagi puase hati dan pikiran-pikiran
Selain Allah semata.
BD : Bapang Nanis nga Bapang Aan, terime kasih atas tanggapannya, nilai dan itikat
Untuk sampai tingkat puasa hakikat sudah sangat bagus saat ini.
BN : Bapang Dandus, terawih lah kudai. Ading mpai udim benae terawih.
BD : Mpuk kakang mpai udim pule.
BN : Besok insyak Allah pantun pantun bersahut ye baru (September sampai nga kakang.
03.10.07
BD : Kemarau telah dibentangkan
Udara dingin sudah dirasakan
Itulah tanda kekuasaan Tuhan
Segalanya tak dapat dihindarkan
BN : Isak ke Mersiban ke dusun Jati
Isak ke Lubuk Sele ke talang Rindu Ati
Kalu Tuhan lah meng hendaki
Dide bedie ye pacak mengalangi
BD : Sms kakang tadi lah dikihimkan ke jeme Yogya nga Kephayang. Anye
Belum ditanggapi. Antaku jeme tu udim subuh tiduk agi.
BN : KHENUNGAN NUNGGU BEBUKE :
Tawakal ada empat macam
1. Tawakal pada makhluk
2. Tawakal pada harta
3. Tawakal pada diri sendiri
4. Tawakal pada Allah
Tawakal 1 sd.3 ialah tawakal orang-orang bodoh
Sebab menggantungkan diri kepada selain daripada Allah
Sedangkan tawakal yang ke empat berkeyakinan Allah selalu menyertainnya
Dan menahannya sesuai yang dikehendaki-Nya. (Hadis ArBai’in pada buku
Durrotun Nasihin)
BD : Orang-orang yang bertawakal selain kepada Allah, disebut Hubbudunia, yaitu
Salah satu calon penghuni neraka.
BN : Makmane petang ini masih badan bedesie ?
BD : Au, masih. Anye dide kelame benae agi. Hadu dedesie itu.
BN : Kalu midang ke Ayik Anyie
Jangan dik laju ke Tanjung Aur
Di ulenye ade Gunung Merkase
Pengantin duduk bersanding ha due saje
Mpuk badan ase dedesie kite patut bersyukur juge
Karne dedesie kite patut bersyukur juge
Karne dedesie Cuma nunggu waktu bebuke
Amu fakir miskin nak bebuke entah kebile
04.10.07
BN : Selame bulan Ramadhan ini
Ulama, kyai, Ustad berdakwa silih berganti
Dengan cara cerama atau lewat televise
Dalam acara Metro Tv pagi ini
Seorang ustadz mengajak dengan tulus hati
Untuk menyetop memanjakan duniawi
Dan mengajak memanjakan ukhrowi
BD : Pada peringatan Nuzul quran di masjid Agung Palembang beberapa hari
Yang lalu, penceramahnya Dirjen Penais al. menyebutkan :
Untuk meningkatkan iman dan taqwa itu tergantung dengan hati.
Manakala hati itu bersih dan bening,insya Allah iman dan taqwa dapat
Ditegakkan. Tapi manakala hati itu kotor, mustahil iman dan taqwa itu akan
Meningkatkan. Untuk membersihkan hati itu harus setiap saat ingat kepada Allah
Atau zikirillah.
BN : Sahini padi di ume lah hate masaknye
Kance sangkut ume juge semegi
Anak bunting lah udim bemasak pule
Asenye Bapang Dangdus kengetam dik micut agi
BD : Insyak Allah kire-kire pukul 8.00 kele ngetam. Anye pehulehan tu lah
Pacak ditebak, dideke ningkat agi. Kalu tahun depan pindir tu pacak nambah.
BN : Belum makmane kite tetap bersyukur.
Nyimpang ngomong kihiman ading ambik masih belum sampai ?
BD : Belum sampai. Kele kah kakang ambik di kantor pos Tugumulyo sambil
Ngetam kele.
BD : Ke Rengat ke Pulau Batam
Singgah senampur di selat Melake
Kakang mpai udim benae ngetam
Surat adding lah kakang terime pule
Anye belum sempat dibace ige
BN : Kalu jadi mbuat balai
Ambik buluh ke Selangis
Angkut ke dusun same-same
Kalu kihiman ading lah sampai
Bace isak di pangkal sampai abis
Mangke ading nak dengae tanggapannye
06.10.07
BN : KEHENUNGAN NUNGGU BEBUKE :
Sepuluh hewan yang ikut masuk surge :
Anak lembu Nabi Musa, Domba Nabi Ismail, Unta Nabi Sholeh,
Ikan Nabi Yunus, Lembu Nabi Musa, Keledai Nabi uzair,
Semut Nabi Sulaiman, Burung Hud hut Ratu Balqis,
Anjing Ashabul Kahfi dan Buraq Nabi Muhammmad SAW.
Semuanya akan berubah bentuknya menjadi domba.
(Dikutip dari buku tarjamah Durrotun Nasihi oleh Abu Hiyadh)
BN : Makamane rencane kakang tentang pantun baru tu ? Amu kah dikihimkah lagi,
Ading ade usul :
1. Ndik Bapang Eeng dik usah lagi, sebab ka dienjukkalah petang ini
2. Ndik Bapang Citra enjukkah saje di Linggau, sebab udim lebaran di
Sekatu, die kah di Linggau kire-kire seminggu.
3. Ndik Serun ajung ambik dewek ke Siring Agung
4. Amu Kepahyang nga Lahat terserah kakang carenye.
09.10.07
BN : KHENUNGAN NUNGGU BEBUKE :
Para da’i sering berpesan dalam ceramah
Perlunya orang berpikir terpuji
Dan bahwa tanda munafik itu tiga :
Pertama, bohong bila berkata
Kedua, ingkar bila berjanji
Dan ketiga,khianat bila dipercaya
(HR. Imam Bukhori)
BD : Malam besok nak sidang istibat
Nak nentukah tanggal 1 Syawal
Anye lah pacak ditebak
Memang lenurutkah jeme bebal
11.10.07
BN : Mala mini siding istibat
Menag nak nurutkah jeme bebal
Anye dik nak tekanjat
Sebab Menagnye dewek ye sumber bebal
BN : Assalamualaikum
Namenye adding nga kakang ade due pribadi
Ade saje kate atau care adding ye dik terpuji
Karnenye di hari suci dan fitri ini
Ading dan keluarge mohon maaf lahir batin sambil mawas diri
Mangke dik bedie ganjalan di hati suci
Dan hubungan dik beradik tetap terjalin abadi
Minal aidin walfaidzin
Selamat hari raya idul Fitri 1428H
BN : Ading ade pantun pantun, ape kakang bersedia nerimenye ?
Kalu bersedie ke ading kihim
BD : Tuape pantun isak di lengugou tu? Ka diterime gale.
BN : Pantun ading nib bace sutik-sutik. Cuma lum nak dijawab langsung.
Lah sampai pantun ke-7 mpai boleh dijawab. OK ?
BN : Pantun ke-1 :
Kalu nak pegi ke Suban Tinggi
Jangan dek laju ke Tinggi Hari
Kalu diperhatikan akhir-akhir ini
Sms pantun lah dik produktif agi
Pantun ke-2:
Ngape sebab ke Tinggi Hari?
Banyak gadis belajae nari
Ngape sebab dik produktif agi?
Mungkin lah dik bedie bahan agi
Pantun ke-3:
Ngambek ayik makai ember
Anye payah nak ngankutinye
Lah agak lame pantun September hadir
Anye pecaknye kakang behat nak nanggapinye
Pantun ke-4 :
Anak kucing ade Sembilan
Mati sikok tinggal delapan
Ading ngusul soal penyebaran
Lah dide pule ade jawaban
Pantun ke-5 :
Burung siap inggap di hanting
Beanak empat tinggal tige
Mpai nak lengkap tumbuh bulu
Kalu dik salah penilaian ading
Kakang dingin nanggapi bagian kedue
Kalu dibanding nga ye pertame dulu
(Sekali lagi ading mohon maaf kalu penilaian ading ni salah)
Pantun ke-6 :
Kalu jadi ke Lubuk Sele
Ambikkah buah belimbing besi
Dalam ati ading betanye-tanye
Mungkin ade alasan tersembunyi
Pantun ke-7 :
Kalu luk inilah tanak’annye
Kandik petang kele ade pembukean
Kalu luk inilah keadaanye
Ape pantun sms masih perlu dibukukan ?
BN : Nah itulah ye ade di benak ading maini. Terserah kakang luk mane selanjutnye.
BD : Ading malam ini masih terawih?
BN : Dide agi. Ading udim sholat isya’ lansung takbiran.
17.10.07
BN : Ke Telentang ke dusun Mersiban
Tiap humah miare jehangau
Di Plembang lah seminggu musim ujan
Makmane kabar di Linggau ?
18.10.07
BN : Ke pasar melide-lide
Meli cung kedire nga cabi kandik sambal
Ading Cuma nak betanye
Ape kakang lah puase Syawal?
19.10.07
BD : Pantun bersahut buku I lah sampai gale ke jeme ye nerimenye.
Pantun buku ke II isinye serupe tapi dik same
Mangkenye dide kakang sebarkah kemane-mane
Tapi cukup dikonsumsi li kite ha due saje
BD : Di Plembang lah ujan saje
Di Linggau mbak itulah pule
Puase syawal belum kakang lakukan
Masih ade pengawian ye belum kakang selesaikan
25.10.07
BD : Ngambik getapan ke Lubuk Sele
Ngambik wie ke Hantau Uji
Sahini mpai tanggal due pulih lime
Kucikan kakang dik te embau-embau agi
(makmane embau kucikan ading)
BN : Ngambik getapan ke Lubuk Sele
Ke Arah Tige ngambik duku
Sahini mpai tanggal due puluh lime
Amu kucikan ading lah mbau kentut telegu
BD : Mancing cengkak ke Lubuk Uje
Ngambik besile di Lembak Ume
Anak cucung lah ngulang gale
Tinggal ading ha due ngandul saje
Sampai ke dusun jemou kasur
Anak cucung masih ade gale
Mpai nantu ye lah ngulang ke Bogor
III. TUKUP HUAS BULUH (dari Lanwi Yadip)
Andun nak mandi ke Ayik Pauh
Amu nak bubur ade di panci
Ikan Pais enjuk lengkuas
Dimakan li bujang Gumay Ulu
Kite maini ahi sesame jauh
Amu masih jujur dalam ati
Bekihim sms saje masih dek kepuas
Betemu tula mangke abis hindu
Amu nak ke Lubuk Sele
Arang Tige nga Rembasile ade di ulu
Maini musim kubis nga tahuk lumay
Amu nak nunggu betemu entah kebile
Sementare kandik sekedar obat hindu
Saling kihim sms teruskan saje kudai
Palembang,31 Oktober 2007
Tidak ada komentar:
Posting Komentar