PANTUN BERSAHUT LEWAT SMS ANTARA CUCUNG-
CUCUNG SENARIP NGA RENI
Bulan: Desember 2007
1. Bahuri Cikman atau bapang Dangdus (BD)
2. Lanwi Yadip atau bapang Nanis (BC)
3. Marvin Yadip atau bapang Citra (BC)
4………..
I. PEMBUKAK HUAS BULU (dari Lanwi Yadip)
Ke njale ncakae gulai kandik sedekah
Ade pule rami-rami pegi beburu
Ye balik ngantatkah ke humah pehullihan
Dengan suke duke taun 2007 ka ditinggalkah
Kite jalani taun 2008 dengan akhapan baru
Semoga anak cucung nining lebih ilok agi taun depan
Mpai udim ni anak bungsu Walidin lah dikawinkah pule
Sanak family lah dating isak dimane-mane
Ye penting anak cucung nining sebagian besak lah tunggal gale
Ape lagi adenye due pesake idup isak di Bengkulu nambah lebih bemakne
Suasane injik anjam lok ini mahal benae regenye
Dan dik pacak dinilai nga kelepih atau tuape saje
Insya Allah tunggal ilok ni beulang agi dik lame ige
Dan semoga kite ding berading selalu sehat sempurne
II. ISI HUAS BULU
A. ANTARE BAPANG DANGDUS (BD) NGA BAPANG NANIS (BN)
01.12.07
BN : Ngandun sedekah ke Lubuk Sele
Tande ingat adik sanak nga dusun laman
Di jalan balik tekinak banyak simpai
Alhamdulilah pantun ke empat lah rampung pule
Pagian tadi juge lah dikilat khususkan
Insyak Allah sahi due agi lah nyampai
BD : (Dik bedie balasan)
03.12.07
BN : Amu nak belanju ke Datae Gerinde
Jangan dik singgah ke Mekam
Ngambik kayu ndik tiang gahang
Sahini lah tanggal tige
Di Plembang memang lah ngetam
Anye ading kepagi saje nak sehempak nga kakang
BD : Ke Bangka melewati Sungsang
Dik lupe ngambik ikan belide
Amu kamu ke lemak ndie
Tuape gi banyak padi usang
BN : Nak ke Bangka lewat Sungsang
Jangan dik ngambik ikan belide
Behas using sise belian nanis bulan belakang
Cukup kandik siang nga malam kele
04.12.07
BN : Parak Ayik Baniegh banyak seluai
Di ulunye dusun Talang Rindu Ati
Kokok ayam kedengaean di Lubuk Sele
Ading lah nyiapkah bake, serindak nga tuai
Kepegilah ngetam dik urung agi
Kalu kakang ngetam ke jam behape
BD : Ambik mbacang ambik kuini
Kakang ke berangkatlah maini
BN : Ke kalangan nak beli bayam
Jangan lupe pule jagung hebus
Kalu kakang ke ngetam
Tolong tanyekah kihiman adding di kantor pos
BD : Pantun jilid 4 lah diterime
Untuk selanjutnye nak dihimbau bapang Aan di Kephayang
Ikut berpartisipasi pule
Makmane setuju ape dide adding rencane kakang tu ?
BN : Sebelum Pembukak Huas Bulu, ade name-name kite. No1 sd 3,dan
Untuk no4….(masih titik-titik). Jadi kukire kakang lah ngerti maksud
Ading.
BC : Au, lah ngerti,Cuma klarifikasi saje.
BN : Jadi maksud ading bahkan no 4,5,6….dst asalkan masih cucung-
cucung Senarip-Reni, silahkan,amu pacak pantun
05.12.07
BN : Njenguk bubu ngene huan
Huan diambik langsung digulaikah
Ape kakang nga bapang Citra lah tekeruan
Anak Walidin ye bungsu nak dikawinkah
BD : Bapang Decky di Tanjung Sanai kecik kuning lembut ngencepai. Die
Nyampaikah berita.Entah amu nga bapang Citra.
07.12.07
BN : Atap pangkul bulu dibelah
Sayang masangnye agak miring
Rubuh ditimpe batang pisang
Jerang agi anak Walidin nak dinikahkah
Amu nak tunggal ding berading
Mpung ade tapakan di Plembang
BC : Insya Allah datang.
14.12.07
BD : Ke Plembang ke Kertapati
Singgah senampur di rumah sanak
Karne lampu mati
Tepakse dik tau nonton acara “Mama dan Aa”
BN : Ke Plembang ke Kertapati
Dek jauh ige nga remiling karet
Mangke dik ngawatkah lampu mati
Mbeli saje sutik genset
BD : Ke Simpow ke Brastagi
Ngambik batang mani-manik
Mbeli genset dik urung agi
Asak taun depan minyak pindir naik
19.12.07
BN : Nyerudut hule huan
Huan disepit lalu dipanggang
Ading sekedar nak keruan
Kebile nian kakang ke Plembang
BD : Berayak ke dusun Rembang
Baliknye sambil njenguk jehat
Amu nak pacak BD ke Plembang
Tgl 21 Desember ahi Jumat
BN : Nanjak bubu ngene huan
Huan digulai masak pinsang
Ading juge nak keruan
Betuape dan nga sap eke Plembang
BD : BN, BD nyelayak ke Plembang tanggal 20 Kemis malam by KA.
20.12.07
BD : Ribang kemambang tiap petang
Nginai’ ayam patah sayap
Tuape gawi BN di Plembang
Amu kami kah sehempak makan behayap
BN : Disebelah Pasar Bawah ayik Lematang
Ditengah-tengah ayik tue
Lah udim gawi sembahyang
Maini dang silaturahmi nga mentue
BD : Serindak didusun Mertandi
Nginak budak mulut percang
Alangkah lemak makan udim sembahyang tadi
Gulai seluang ngene tehasan masam mbacang
BN : Gulai seluang masam mbacang
Mbacang di lembak ume junan
Junan diantean ayik sehi
Disane mbacang lagi musim
Alangkah pacak BD ngomong ngarang
Sebab kalu namenye tehasahahan
Setau BN di seluruh kolong langit ini
Cuma ade di ayik lim
21.12.07
BN : Dangau di ume atap gelumpai
Ume di dahan lubuk kendalai
Ading kire BD lah sampai
Amu masih kerih hungau tiduk ngunjuw lah kudai
BD : Dangau di ume atap gelumpai
Ume di dahan Lubuk Kendalai
Memang kakang mpai nyampai
Maini masih ngunjuw kudai
25.12.07
BN : Di Gumay banyak kijang diburu
Kijang diupung isak segale penjuru
Ading sekedar nak tau
Ke behape ahi BD di Gumay Ulu ?
BD : (Dik bedie balasan)
28.12.07
BD : Menunaikan subuh lah udim
Acara”Mama dan Aa” disimak sunguh-sunguh
Tuape kulean BN dide ngecentim
Soal timbangan memang sangat menyentuh
Untuk perhatian gegale umat Muhammad
31.12.07
BD : Sahi ni tanggal tige puluh Saturday
Esok tanggal satu langsung taun baru
Taun 08 kab. Lahat milih raje nga ratu
Tuape kire-kire kandik peran kite ngilok’I tanah leluhur tu ?
BN : Pegi mincing ke Lubuk uje
Baliknye berayak ncakae getapan
Bertemu nga jeme mbuat gelumpai
Milih nga jeme mbuat gelumpai
Milih raje nga ratu gi lame juge
Des 08 ye lame mpai letak kah jabatan
Sementare ni bedoa ndik kite jadi calon kudai
BD : Ke Lubuk Uje njenguk bubu
Sate dijenguk ngene delapan
Amu BN nak tau
Pilkada tu 9 Nov due ribu delapan
BN : Ngambik getapan di Talang Perigi
Dik jauh ige nga Lubuk Uje
Pilkada diadekah sebelas bulan agi
Anye ndik kite belum ade parpol resmi ncalonkanye
BD : La ade, tingga mantapkanye saje
Due parpol ye cukup disegani
Andai kate kecul, teenage-tenage di Lahat
Lah siap menempuh jalur independen
BN : Masakh independen setau adding mpai pemikiran rakyat banyak saje,
Belum ade dasar hukumnye ye resmi
BD : Au, tapi janji mendagri akhir taun ini masalah independen akan
Diselesaikan
BN : Ilok amu la hade due parpol ye ke ncalonkane,
Anye info dari ybs di humah yanti mpai ini,
due parpol tu sifatnye masih baru upaye.
B . ANTARE BAPANG NANIS (BN) NGA BAPANG CITRA (BC)
01.12.07
BN : Ngandun sedekah ke Lubuk Sele
Tande ingat adik sanak nga dusun laman
Di jalan tekinak banyak simpai
Alhamdhulilah pantun ke empat lah rampung pule
Pagian tadi lah dikilat khususkan
Insya Allah sahi due agi lah nyampai
03.12.07
BC : Seilok-ilok kayu dehian
Masih iliklah kayu seluai
Ading sekedar ngenjuk kabar mangke dik tetingean
Kihiman pantun edisi IV lah sampai
BN : Memang ilok kayu seluai
Biasenye dibuat kandik papan
Alhamdhulilah kalu lah sampai
Hegak kalu nyimpang di perjalanan
BC : Masam kumbang arung itam
Asenye masam di temakan amu dik dienjuk gule
Kukire kakang tanggal tige lah udim ngetam
Aseku gelawan juge, hule banyak agi behenas pule
BN : Isak di datae Gerinde nyebrang ke Mekam
Amu nak ke Tanjung Raje behuluan
Mpuk tanggal tige belumsempat ngetam
Sebab sahini perikse kesehatan
07.12.07
BC : Atap pangkul buluh dibelah
SayaNg masangnye agak miring
Rubuh ditimpe batang pisang
Jerang agi anak Walidin nak dinikahkah
Amu nak tunggal ding berading
Mpung ade tapakan ke Plembang
BC : Buluh dipecah-pecah namenye pelupuh
Ilok dibuat kandik dinding
Ribang ige kalu pacak tunggal ding berading
Cuma aku ke ngulang ke Yogya tanggal 12 inilah
BN : Amu nak minum ambik gelas nga ayik
Ayik dicuhukah jangan meluber
Uji abis semesteran ke ngulang balik
Jadi kebile pastinye waktu semesteran
BC : Kalu sempat rencane memang nak balik
Mengenai tanggal semester insya Allah tanggal 14 Januari 2008
09.12.07
BN : Kate ayuk hapat-hapat ngulang pantun ayuk tanggal 10 Nov yang lalu
BC : Pantun ndik ayuk :
Burung Elang terbang tinggi
Inggap di dahan batang mengkudu
Rupenye ade sangkae beanak empat
Aku ngulang ke Yogya dideke singgah ke Plembang agi
Mpuk maitu aku nga ayuk bukan basa-basi tapi memang hindu
Cuma belum saje sempat
BN : Kate ayuk :
Amu aus obatnye minum
Nak kenyang benasi ulam kemangi behape lembae
Amu li belum sempat ayuk maklum
Hapat ngulang mbace pantun madae ayuk lah senang benae
15.12.07
BC : Dusun Bahi Mekam Lame namenye
Kalu terus huluan sampai di Tanjung Raje
Maini aku lah ngulang makan care jeme jawe
Pecel lele ade tahu nga tempe pule
BN : Riye pendek banyak kebau bule
Dusunye Talang Sejemputan parak Talang Sawah
Lemak tiap ahi gulai pecel lele
Aku tiap ahi galak luk itu tula
16.12.07
BC : Ngambek tahuk jibas nga tihau gerigi di Blitang
Kandik batan jualan di pasar kalangan
Malam maini tuape saje pengawian
Ape dang pangke nyusun pantun bahan kandik penerbitan ?
17.12.07
BN : Ke Tanjung Aur ngahi jeme sedekah
Baliknye lewat Tanjung Raje
Terus njale tuhun di Pecah Pehiuk
Mpai ndahat lah malam ahi
Kemahi lah petang balik ke humah
Ngurusi anak sembiring di lamar jeme
Di malam gi petang benae lah tiduk
Karne nak saur li nak puase sahi ni
BN : Tentang pantun BC-BD selame Desember agar salinannye di Fax ke
Palembang tanggal 28 atau 29 yang akan dating. Jadi,dik usah tiap sms
BC-BD diteruskah nga kakang.
20.12.07
BC : Idul Adha disebut idul Qurban
Maknenye iklas dan keridhoan itu ye kite harapkan
Dengan hikmah ini pacak nguatkah keimanan
Pacak pule neguhkah kesabaran
BN : Beume junan di Lubuk akean
Beume belikan di Paningan
Makne hakiki idul Qurban
Ujian keiklasan dan keimanan
BC : Kalu nak buat juadah basah ambik pandan
Kalu nak mbuat lemang ambik behas ketan
Ading kire banyak bentuk ujian keiklasan
Merantau bepisah nga keluarge temasuk pule ujian
BN : Betul. Tapi keiklasan yang disertai niat karne Allah semata
21.12.07
BC : Makan di ume beulam patai
Gulainye tehung kehancang undak balur
Antaku bapang dangdus belum lame sampai
Sebab di malam BD lah nyelayak ke Palembang besepur
BN : Ini pantun BN nga BD, anye belum ade jawaban :
Dangau di ume atap gelumpai
Ume di dahat lubuk kendalai
Ading kire BD lah nyampai
Amu masih kerih hungau tiduk ngunjuw lah kudai
23.12.07
BC : Nining kite lanag namenye senarip
Nining kite betine namenye Reni
Ading kire alahkah ribang pacak betemu nga pesake idup
Itulah ye mbuat bemakne sedekah di Palembang sahi ni
BN : Sms ading ni lah udim kakang bace di hp BD jerang inilah
24.12.07
BN : Ayik sebakul di Tanjung Raje
Di dahatnye banyak batang getapan
Di lembaknye banyak bulu mayan
Pantun BD-BC makmane kesiapannye
Kalu pacak lah dikihim tanggal due puluh delapan
Paling lambat tanggal due puluh Sembilan
BC : Ayik sebakul mandian Tanjung Raje
Di dahatnye ade batang getapan nga duku
Pantun BD-BC Bulan ini taruklah dik beisi ige
Tuape lah jarang benae BD mbalas pantun aku
25.12.07
BC : Njale ke Lim tuhun di batu libae
Badah hehadu jeme mada’e
Pekase jale kambu serudut pule
Ading awal taun ini nurut rencane
Ke ngalih badah lame terlalu padat jadi dik lemak ige
BN : Batu libae badah tuhun njale
Pekakase jale kambu serudut pule
Amu kah ngalih badah nyiwe
Makmane siwe setahun ye lah diterime li jeme ?
BC : Ziarah ke makam nining di Tanjung Raje
Singgah bebasuh keting di ayik Merdue
Siwe setahun lah jadi hak jeme
Tinggal masukkah budak baru ye pacak behije
C. ANTARE BAPANG CITRA (BC) NGA BAPANG DANGDUS (BD)
03.12.07
BC : Buah nangke belande namenye sirsak
Buah masam kumbang arungnye itam
Ading nak betanye ape padi lah hate masak
Amu lah masak hate ading galak nolong ngetam
BD : (Sik bedie balasan)
08.12.07
BC : Alah ketinggi burung elang terbang
Sate inggap do hanting kayu mampar
Ade benae tapakan tunggal ding behading di Palembang
Cuma ading ke ngulang lah ke Yogya jadi dik ke sempat
BD : (Dik bedie balasan )
16.12.07
BC : Di Selangis banyak lempaung tehase masam
Di Pagar Gunung ade dusun namenye Germidan
Kalu kakang ke Palembang kele ke di humah Sam
Ape di huma Dar ?
BD : Mungkin ke huma Sam.
20.12.07
BC : Ke Lubuk Uje masang tehasan nga nanguk udang
` Baliknye singah jehang di himbe kebun ngambik getapan
Tedengae suare takbir timbale-timbalan bekumandang
Badan ading dedesie ase kah bidapan
BD : Ribang kemambang semirap petang
Udim ngina’I ayam patah sayap
Tuape BC udim sembahyang
Amu kami mpai udim makan behayap
BC : Serindak di Martandi
Nginak’I budak mulut burung percang
Alah kelemak makan udim sembahyang tadi
Gulai seluang ngene tehasan masam mbacang
BC : Nginak padi kuning di ume tehase ribang
Lah nak ngetam ase di ati dik tahan
Amu kakang ke pegi jauh ke Palembang
Mbatak ibat nasi nga tuntung gulai kandik makan di tengah jalan
BD : (Dik bedie balasan )
12.12.07
BC : Ke Pancu Kujat ncihuk ayik besambang
Li musim kemahau ayik kecik gi dikit dapatnye
Antaku kakang lah sampai di Palembang
Cengki maini dang ngopi sambil ngeredurak becerite
BD : (Dek bedie balasan )
23.12.07
BC : Nining kite betine namenye Reni
Nining kite lanang namenye Senarip
Ading kire alangkah ribang di Palembang
Tunggal nga ading-behading ade pule pesake idup
BD : (Dik bedie balasan)
III. TUKUP HUAS BULUH (Dari Lanwi Yadip)
Puyang Yal Bingkok anak Puyang Pajang
Mudik di Lim nahik Kebau isak di ikok
Telapak puyang anguk ke ulu telapak kebau anguk ke ilie
Sesuai nga janji dalam pantun bulan mendatang
Maini ade 2 gambar bekaitan nga Yal Bingkok
Sutik tapak die nian dan sutik agi tapak kebau tahik’annye
Puyang Yak Bingkok netap di Lubay Lame
Nga namenye Sebaguk dik jau ige
Disanelah pule badah kuburanye
Mungkin ade ye betanye-tanye
Nahik kebau isak di ikok tuape sebabnye
Amu nak dijawab disini panjang benae ceritenye
Ngarukah buah khaman tige tundun
Tiap tundun buahnye ade sebelas
Khaman dibatak ke dangau tengah sawah
Ye ke datang kalu ade kihiman pantun
Upaye kah jangan benae dide dibalas
Sekurangnye tanggapan sepatah due jadilah
Palembang, 31 Desember 2007
Tidak ada komentar:
Posting Komentar