Puisi Bujang Bedengkang :

Anak Bapang Bujang Bedengkang

Nang, naiklah sini di bahu bapang
Simbunkah ayek mate, Jangan nangis mpuk ati bimbang
njadi lanang dek kene mate belinang
Ayek mate bujang mahal
ame abis dek bediye tempat beutang

Bukaklah mate kinaki ngan palak ncagak
langit mengawang
awan itam belawan
mataahi mbias nyemele ulas

anak bapang lanang kini lah bujang bedengkang
aningkah kudai kicekan bapang
tuape gune daging telinge kaba sepasang
jangan samekah ngan tanduk kijang
keting bemidang bukane ndek betinjak di kebon binatang
mulut bepagut bukane ndek ngate becarut
tangan bekuduk jangan gi nakuti rugukan behuk

kaba anak lanang ahapan bapang
bujang bedengkang harus bekundu gedang
jangan bepacak gi mbesakah bajang

kaba dinanti leh behingasnye siang
kaba ditunggu leh kejamnye malam
tantanglah dunie umbang
becalak dikit mangke dek ditujah sandi belakang
ajak kance peluklah kundang
dek kah tetekut himbe dunie leh kaba suhang

kebile sisip mate bepejam kaba kah matek tependam
ame kundu nciut kah kanyut kaba di ayek suhut

Jajang R. Kawentar
Penulis, Pembina Komunitas Sastra Lembah Serelo [KSLS] dan Guru SMA N 1 Merapi Selatan Lahat