PANTUN BERSAHUT
(LEWAT SMS)
EDIT & ALIH LEMBARAN KERTAS
OLEH:
LANWI YADIP
PALEMBANG
2007
PANTUN BERSAHUT LEWAT SMS ANTARA BAHURI CIK MAN
(BAPANG DANDUS) DAN LANWI YADIP (BAPANG NANIS)
Bulan Agustus 2007
I. PEMBUKAK HUAS BULUH (dari Lanwi Yadip)
Mulenye ade tesikhat di ati
Lalu diungkapkan dalam tulisan
Lalu disampaikan lewat SMS
karne dipandang ade nilai seni
Lalu disampaikan lewat sms-an
Bukan ikan sembarang ikan
Ikan dipanggang kandik dimakan
Tulisan ini bukan dik betujuan
Sastra nenek punyang perlu dilestarikan
Sastra ini satra nenek punyang
Bebentuk baris kalimat ye tertuang
Kalu abis dibace jangan dibuang
Sebarkan ke lain-lainye make bekembang
07.08.07 (Sebelum ziarah ke Gumay)
Bapang Dandus (BD) :
Bukan tebu tulah ye manis
Lalang belumai manis pule
Bukan jeme plembang tula ye itam manis
Jeme Gumay lebih manis pule
Bapang Nanis (BN):
Memang tebu amatlah manis
Amu lah tue tambah manis
Memang jeme Gumay itam manis
16.08.07 (Setelah ziarah ke Gumay)
BD : Lubuk cik Alam mandian lanang
Lubuk Beringin mandian betine
Sangkan nasib ampe melayang
Alangkah jangkap nunggu denie
BN : Lubuk Cik Alam mandian lanang
Lubuk Beringin mandian betine
Amu nasib ampe melayang
Ketentuan Tuhan iklas diterime
(Insya Allah kang, tiade beban dalam dade, Amiiin……)
BD : Anak enam, tinggal due
Sikuk lanang,sikuk betine
Ye lanang dik keruan badahe
Tinggal ye betine nil ah tumpuan mate
BN : Anak lanang dik keruan badahe
Anak betine tumpuan mate
Mpuk dik keruan dimane nggunye
Doakah slamat janganlah lupe.
(Jangan tukhukah pikiran meacau-acau jauh)
BD : Terime kasih nasihatnye
19.08.07
BD : Pagi akhi beteri besangul
Petang akhi beteri besugi
Cucung-cucung nining empai udim bekumpul
Ase kedide ngulang agi
BN : Pagi akhi beteri besangul
Petang akhi beteri besugi
Kalu jauh akhi diniatkah nak bekumpul
Insya Allah betemu lagi
.
BD : Amu kite nak ngulang bekumpul
Mbatak jale ke padang selase
Kakang punye usul
Makmane amu setiap kedatang bulan pause
BN : Jangan lupe mbtak tangkul
Amu nak jale ke padang selase
Usul kakang memang betul
Selame ini ading lah njalankanye
BD : Kalu nelayan mbtak pukat
Jangan lupe mbtak jale
Kalu adik-beradik lah mufakat
Makmane amu kite jadikah rencane bersame
BN : Kalau nelayan mbtak pukat
Jangan mbtak jale
Kalau rencane, ading lah lame sepakat
Tinggal makmane ading-ading yang lainye
BD : OK, kalu due bagian lah lame sepakat
Tinggal makmane ading-ading lainye
BN : Kalu mak itu namenye “5 AT”, YAITU :
Cupat,sepakat,sekhepat,merapat dan bermanfaat
BD : Cetelah itu.
21.08.07
BD : Beduk sudah ditabuh
Tande subuh sudah tiba
Ambik wudhuk untuk nyubuh
Tandenye patuh pada Allah
BN : Ambik wudhuk untuk nyubuh
Tandenye patuh kepada Allah
Ilok sesenai jangan telabuh
Mangke dide nambah masalah
BD : Skhini akhi selase
Esok pagi akhi rebo
Mangke dide begelimang duse
Gawikalah penggawian ye Allah ridho
BN : Ikan kepiat dapat sebelas
Dikhuasi dalam buluh mayan
Sangkhan sms tadi mpai dibalas
Pegi sekharian, HP ketinggalan
22.08.07
Ini balasan sms kemakhi :
BN : Mangke kite dide begelimang duse
Gawikalah penggawian ye Allah ridho
Jerang agi ndak masuk pause
Kalu ade ye tetinggal, segeralah diqodho.
BD : Ikan huas dalam buluh
Dimakan li jeme mengkenang
Alangkah lemak udim subuh
Badan bersih pikiran jadi tenang
BN : Ikan huas dalam buluh
Dimakan li jeme mengkenang
Memang kalu lah udim nyubuh
Pengina’an bahkan lebih terang
BD : Au nian, apelagi amu nginak duit.
Sms kakang tadi lah dikikhimkah pule
Ke jeme ha tige tu, mpai bapang Citra ye lah balas.
Gegai dikit jeme Tanjung Sanai nga jeme Kephayang
.
BN : Gule di meja campur sekhai
Badan sakit kene dukhi
Soal ibadah dide nak neman ige digegai
Kesadaran tumbuh isak di ati
BD : Ikan seluang di ayik liem
Ayam bekokok dipagar gading
Amu nasehat gegayah lah udim
Abis kewajiban kakang nga ading
BN : Ayam bekokok di pagar gading
Surat dibace di tengah akhi
Soal nasihat nga ading
Asenye, isak di bapang dangdus dide kurang agi
. BD : Kepiat lemak dipais
Seluang lemak dipanggang
Ame syariat lah kite gubris
Insyak Allah perjuangan akan menang
23.08.07
BD : Di Padang ade Payah Kumbuh
Di Lahat ade dusun Perigi
Ame kite udim sholat subuh
Pailah sms subuh dimulai agi
BN : Di Padang ade Payah Kumbuh
Di Lahat ade dusun Perigi
Memang aku la udim subuh
Mangke ndak segalanye ka diladeni
BD : Amu la udim nyubuh
Besiap lah jalan-jalan pagi
Mangke idapan pacak sembuh
Galaklah behubat siang dan pagi
BN : Nak buat rakit pegi ke utan
Pilih buluh dide be ulat
Iloknye sebelum sakit lah jage kesehatan
Jangan lah dare mpai behubat
BD : Au nian
Mangkenye kite biasekah tiap udim subuh
Galak-galak minum ayik putih
BN : Humah kecik pinggir utan
Dibuat tukang isak Meranjat
Anye mpuk mak itu kemakmane nian
Lah terlanjur sare mpai nak behubat
BD : Senaje puyang lanang
Kediang puyang betine
Nining banyak cucung lanang
Die merantau dimane-mane
24.08.07
Ini balasan sms kemakhi :
BN : Punyang Kediang, punyang Senaje
Cucungnye merantau dimane-mane
Kalau dicermati secare seksame
Kebanyakan idupnye sangat bersahaje
BD : Pegilah mpuk bersahaje, ye penting die sehat-sehat saje
Anak Gumay pacak bekayuh
Kalu nyebrang pegi ke tengah
Amu lah udim nyubuh
Bukaklah TVRI nengaekah saritilawah
BN : Ke Prapat Ke Batu Ampar
Singgah jerang ke Kotatangga
Jumat jam Lime buka indosiar
Kandik dengaekah acara “Mama dan AA”
BD : Mama dan Aak memang lah baik
Tapi jangan saje Aa’Gym
Anak cine bekikhim surat
TVRI tv public
Tv lainye mengumbar aurat
BN : Milih kawat bukan Cuma tembage
Ye penting kandik ape gunenye
Milih tv jangan lembagenye
Ye penting tuape mate acaranye
26.08.07
BN : Di Padang Merdue banyak gadis
Di simpow banyak gadis pule
Lah due pagi dik tedengae nyit-nyit sms
Ape seleme berat lah kambuh pule
BD : Dide seleme
Cuma kucian saje mbau tanju
BN : Melantur ikan udim beburu
Baleknye ngusung kayu tenam
Ading sadar kalu kuciab mbau tanju
Sakhini tanggal due puluh enam
BD : Jeme cine njual tahu
Jeme Arab njual juadah
Amu adding ndak tau
Parak humah banyak jeme sedekah
BN : Au nian, nak ditolongi gale.
Sekurang-kurangnye nak mbatak ayam sikuk
BD : Au itulah salah satu sebab kucikan
Mak ini mbau tanju
BD : Bukit payung barisan Gumay
Lenggogow badah nenek beume
Alangkah lemak gulai tahuk lumay
Gemuk niow digutuk nga salai pule
BN : Bukit payung barisan Gumay
Badah nenek galak beburuh
Apekah lemak gulai lumay
Andai ingat kucikan mbau tanju
27.08.07
BD : Kucikan mbau tanju dik jadi masalah
Asak makan masih begulai
Nasib dik ilok nian jangan salahkan Allah
Mungkin karne usaha dan ikhtiar belum sesuai
BN : Musim ujan memang basah
Tapi kadang ade makne
Kemahi mbau tanju dikatekah masalah
Sakhini pendapat lah lain pule
BD : Dusun Simpow di pucuk pematang
Lubuk Sele ade di seberang
Lemak nian jeme plembang
Kabare dang dibangun jembatan laying
BN : Dusun Simpow di pucuk pematang
Lubuk Sele ade di seberang
Memang dang dibuat jembatan laying
Tuan proyek ye yang paling senang
BD : Tuan proyek memanglah senang
Kah dapat duit belipat-lipat
Anye die jangan sewenang-wenang
Karne pengadilan lah nunggu di akhirat
BN : Betul !201% !
Sekilas melintas di ati kite
Gawi galak bepantun ini
Ingatan ke mamang kenut dikale
Seolah die balik idup lagi
BD : Mang kenut pacak bepantun
Setiap ke ngomong bepantun kudai
Itulah tande jeme ye santun
Kalu pacak ilok diturai
28.08.07
BD : Sialing bujang begundai
Pak Kiwat di dusun perigi
Antak kelemak bersemu kudai
Itulah tande-tande politikus mak ini akhi
BN: Kelinyar nenek bungkuk
Jumboi rie musim dikale
Mpuk salah dindak ngakuk
Ini tande penguase mak ini pule
BD : Datae gerinde lah ngulang rami
Di ulu Lahat ade Mersiban
Gawi pejabat mak ini akhi
Nanti kah diperikse cacak bedapan
BN : Au nian
Amu kandik pribadi tahan mati
29.08.07
BD : Di Gumay ade sekayun
Jalannye banyak batang selasih
Lemak juge jeme pensiun
Begawe dide gaji masih
BN : Kalu ndak ayik, ambik di sumur
Jalannye banyak batang selasih
Retinye alhamsulilah tetap bersyukur
Mpuk ujung bulan kucikan mbau tanju
BD : Kampek besak derisi sayur
Ka dibatak kume dipecah pehiuk
Memang amu galak bersyukur
Rezeki bertambah nyaman diteguk
BN : Beli kace pegi ke kota
Kace disimpan dalam kardus
Bapang Citra lah di jogja
Ape lah pamit nga Bapang Dangdus
BD : Akhi kemis die pamit datang kehumah
Akhi jumat die due sekelamin ke Sekayu
Kemakhi la ade sms
Die lah sampai di jogja pukul 16.00
BN : Kace diukur lalu dibelah
Udim itu batak ke dusun
Kalu mak itu alhamdulilah
Retinye masih ngerti nga sopan santun
BD : Padang selase di bukit besak
Udim subuh bejalan pagi
Amu adding nak pacak
Kakang masih 54 sms off peak lagi
30.08.07
BD : Ayek pauh badah bebasuh
Ayik humah ibur badah bekumur
Badah kite sesame jauh
Tinggal hp nilah jadi penghibur
BN : Ayik pauh badah bebasuh
Minumnye juge tehase nikmat
Mpuk kite sesame jauh
Doakan selalu sesame selamat
BD : Doa selamat, doa mustajab
Selalu dibace udim sholat
Itulah tande kite ingat
Jangan lupe pule doa sapu jagat
BN : Doa selamat, doa mustajab
Selalu dibace udim sembahyang
Mpuk doa selamat penuh harap
Kalu lah betemu mangke ati ribang
Ngon Sarialun pejadi Senarip
Senaje Kediang pejadi Reni
Gegalenye isak di Gumay Ulu
Kalu kite selalu bertindak arip
Hubungan ding-berading sehepat abadi
Anak cucung berikutnye pacak niru
Bahuri Cikman anak Semik
Lanwi Yadip anak Dasik
Walidin Dunil anak Saidah
Walidin Dunil anak Saidah
Kalu isinye dianggap baik
Setiap saat pacak dipetik
Semoga ke depan mendatangkan berkah
Palembang,31 Agustus 2007
Tidak ada komentar:
Posting Komentar